AfterShocks

Posted: January 20, 2011 in Uncategorized
aaj ki subha aik ajnabi subha hy,rungo se aari,benoor,weeran aaj aasman zra zyada oancha dikhta hy lagta hy khuda hum se door hogya hy,
kal rat mulk k beshtar hisso main zalzale k jhatke mahsoos kiye gaye,aik lamhe ko ye poori zameen kanp uthi, chief meteorologist ka kahna hy agle hafty after shocks mahsoos kiye jasakty hain,
after shocks k liye tu ab humien tyyar rehna hoga sirf agly hafty hi nahi najane kitne sal ye after shocks hum mahsoos karien gy,hamari aane wali naslien mahssos karien gi,
kal rat tu after shocks aana shoro hoye hain zalzala tu 2 hafty pahly justice javeed iqbal k ghar aaya tha jab un k borhe maa baap ko un hi k khon naveed iqbal  ne bedardi se qatal kardya tha,
naveed iqbal blochistan police main bator sub inspector bharti hoa tha phir is ne intelligence bureau main tabadala karwa lya,IB se mustaqil gher hazri ki bina per is ko bartaraf kardya gaya,guzasta kafi arse se ye rakksha chala raha tha aur  aik bhari raqam is ne logo se bator udhar le rakkhi thi,chon k is ka koi bhai is bat nahi karta tha is liye ye gahe bagahe apne walden se raqam ka taqaza karta tha,aur woh borhy walden is ki madad karte thy,ise aik flat le kar de rakha tha aur karobar k liye 16 lakh ropy diye thy jo us ne mitti kardye.
is ne phir kai bar walden se raqam ka taqaza kya magar is bar unho ne mana kar dya,dosri taraf logo ka dabaoo barhta jarha tha,is ne raqam hasil karne k liye aik ghinaoona mansooba tartteb dya do logo ko sath milaya aur apne borhy bebas maa bapp ko qatal karne aa pohncha,is ne us oarat ka gala dabaya jis ne ise bolna sikhaya tha,us bap ko mar dala jis ne ise chalna sikhaya tha,
dar haqeeqat woh badnaseeb maa bap tu usi waqt mar gaye hun gy jab ye shaks un ki taraf barha hoga han un ki sansien zaror chalti hun gi,us maa k zahan main shaied us waqt mazi kisi film ki tarha chal raha ho k woh kaise ise subha school k liye tyyar kiya karti thi,kaise rat rat bhar jag k ise sulaye karti thi,woh bad naseeb bap ye zaror sochta hoga k kaise ye mera hath pakar kar chalna sekhta tha,kaise mere kandhe pe charh kar khush hoa karta tha,
lakin is junooni aur darinda sift shaks ko aisa koi khail na aaya k jinho ne mujhe jaan di main un ki jaan lene jarha hun,jinhien ne mujhe zameen per khara hona sikhaya main un k peero se zameen khench raha hun,us ne ye bhi na socha k  ye kamm karne k bad dunia tu dunia aakhart main bhi mujh per phitkar hogi,
ye poora waqia kahin humien hamare muashre ki tasveer tu nahi dikha rha,kahin ye woh aaina tu nahi jis main humien nazar aarha ho k ye hy mera aap ka pakistan islami jamohria pakistan,woh mulk jo islam k namm per hasil kya gaya khuda kahta hy apne borhy maa bapp se uff bhi na karna,tu phir ye kya hogya yaha tu woh borhy maa bapp uff taq na karsaky aik zalim bete ne is bedardi se gala ghonta k un ki tu koi aawaz hi na nikli,
ab zalzale merea aur aap ka muqaddar nahi tu aur kya hy,zammen bohat hassas hoti hy insan se zyada hassas jab is main lahar uthti hy tu ye sab palat kar rakh deti hy,
kal rat aany wala zalzala aisi hi koi lahr tu nahi,kahin mera aap ka muqaddar ab moean jo daro ya harrapa hojana tu nahi…………………….
aaj ki subha aik ajnabi subha hy,rungo se aari,benoor,weeran aaj aasman zra zyada oancha dikhta hy lagta hy khuda hum se door hogya hy.

Zeeshan Junaid

Sadaqat ka shauor

Posted: January 12, 2011 in social
jab taq tumhien sadaqat ka shaour na ho,tum sadaqat ko bayan na karo,jhota insan sacchy Quran ko byan kare ga taseer nahi hogi,

ye hum musalmano ka ieman hy k junnat main jane ka aik hi rasta hy ALLAH ki rehmat se nabi kareem(SAW)ki shafaat naseeb hojaye,ye raz tu bata dya malik e kainat ne aur kaha acchy aimal karte raho,lakin hargiz apne aimal ko jannt main dakhil hone ka wahid rasta na samjh bethna,ye sirf Allah ki rehmat se hi mumkin hy,Siwae Allah k sab la ilm hain k NABI KAREEM(SAW) ki shifaat kise naseeb hogi,is dunia k har musalman ki sab se bari khuhish ye hi k roz e qyamat woh ALLAH ki rehmat se NABI KAREEM(SAW) ki shifaat pa jaye,

main aik aam sa muslman hun koi mufti nahi lakin jo main ny pahli sator main tahreer kya woh mera ieman hy,is dunia k har muslamn ka ieman hy,
phir kio ye log bare bare dawe karte hain kisi ko jannat allot karte hain kisi ko jahunam,jab k haqeqat se la ilm hain,main ye article kabhi na likhta is mozu per qalam uthane ki jisart na karta,agr 11.01.2011,ko meri nazar se Daily Express main chapa “Abas Athar” ka Column na guzarta,woh is mulk k aik maya naz journalist hain,apne be lag tabsre aur likny k munfrid andaz k bais apna aik aleghda muqam rakhty hain,

mosof apne column ki ibtida hindustani film ROBOT se karte hain jis se un k aala zoq ka pata chalta hy,pahly woh film ki poori kahani bayan karte hain,aur phir is kahani k tane bane pakistan main hone wale khud kash dhamako se milaty hain wah janab faham o farasat ho tu aisi,
yaha per bat khatam nahi hoti,jab likhari ka qalam nafas k ghore per sawar ho tu bhala bat kaha khatam hoti hy,ye qalam bara zalim hy jab ye nafs ka sawar hojaye tu sar pat dorta hy,likhne waly k batin ko ayan kardeta hy,

main ne is article ki ibtida main jo tahmeed bandhi hy us ki wajha Abbas Athar ka ye kahna hy “jab ALLAH k huzoor qatil aur maqtool pesh hun gy tu NABI KAREEM(SAW) ki shifaat Salman Taseer ko mily gi”

shifaat kisy milni hy ye faisla tu roz e qyamat hoga,Allah hi bahtar janne wala hy,abbas Athar khud apne bare main nahi janty k un k sath kya hona hy,main nahi janta mera kya bany ga,roz e aakhart main sab ne apna apna jawab dena hy none will be allowed to bear the burden of anyone else.
waha tu us sawal ka jawab dena hy jis ka taluuq apni zat se hy dosre k sawal ko tu sunna hi nahi,apni apni pari hogi,aisa hi parha hy hum ne tu aur yaqenan unho ne bhi parha hoga,
kisi musalman ko haq nahi pohnchta Shifaat ki judgment dene ka,jab woh khud hi nahi janta us k sath kya hona,insan tu khud hi apne anjam se la ilm hy,

jis roz salman taseer ka qatal hoa us waqt se ab taq aik bahas chiri hoi he koi salman taseer ko shaheed kahta he koi mumtaz hussian qadri ko ghazi aur ye bahas ye tabsre is mulk k parhe likhy tabqe ki pedawar hy,jo kisi dosre k sawal  k liye apni aaqbat barbad karne chale hain jo sawal un ka he hi nahi use apna sawal banaye bethy hain,is mulk ka nuqsan tu parhy likhe tabqe ne kya jahil aadmi tu muft main badnam hy,

jis k dil main jo aata hy kahrha hy har koi aqle qul bana betha bas meri hi bat sahih hy dosre ki bat tu bat hi nahi,dean ko tu main bhi janta bhala mulla kaha waqif hy,aik danishwar tu kahty hain Ashiqe rasool(SAW) tu bohat hain ummati koi nahi,pahly nabi k tareeqe per tu chalo.

mana hum gunahgar hain,khatakar hain,dunia main dob gaye hain,magar janty hain musalman hain,musalman hone k liye Allah K mahbbob(SAW) ki zat ko mahboob banaye rakhna Awlean tarjeh hy,ye iman ki bat hy ishq ki bat aur hy jo ahle ishq jante hain

“iman salamt har koi mangda ishq salamt koi ho”
ye aur bat hy,jis ko ishq naseeb hojaye woh baqi ishqo ko bhol jata hy,tarraqi pasand halqe ko ye bat na samjh aani hy na pasand aani hy,

colum k aakhir main mosof likhty hain”main ne ye column jaldi jaldi tahreer kya hy kio k sar ko tan se alag karne ki dhamki bazrea SMS mosol hoi hy”
pahli bat itne hassas mozu ko ujlat ki nazar kardena kaha ki aqalmandi hy,dosri bat khof se insan ka martaba pata chal jata hay,

sach hi kahte thy wasif sahab

“jab taq tumhien sadaqat ka shaour na ho,tum sadaqat ko bayan na karo,jhota insan sacchy Quran ko byan kare ga taseer nahi hogi”

Zeeshan Junaid

Alarming Call

Posted: January 5, 2011 in social

“zaban hi hy jo izzat aur martaba dila deti hy,zaban hi hay jo jaan bhi le leti hay,zaban hi tumhien moat k qareeb le aayi”

ye 4 January  ka waqia hy jab governor salman taseer apni gari main bethy thy aur ye gari isalmabad ki sarko ko rond rahi thi,back seat per bethy governor sahab ne apna new apple phone nikala aur social web site Twitter se conect hogye,roz ki tarha unho ne twitter per apna status set kya jis main unho ne ye peshan goyi ki k PPP govt kahin nahi jarhi ye 2013 taq younhi hukomat karti rahy gi,

un k labo per kamyabi aur martabe se saji aik dil fareeb muskarhat thi,woh aik shan se gari se utare aas pas k mahool ka jaiza lya un k security ahlkar chokas khare thy woh aik daftar main dakhil hogye aur daftri kamoo main mashghool rahy,governor sahab ne thakwat mahsoos ki tu driver ko hukam dya gaya k gari nikali jaye governor salman taseer sahab kohsar market k qareeb aik restaurant jana chahty hain foran hi hukam ki baja aawri hoi governor salman taseer sahab kohsar market ki taraf rawan dawan thy peechy security ahlkar un ki hifazat k liye mojod thy,gari kohsar market main waqye aik resturant main rukti hy governor sahab ko cofee peni thi,woh resturant k ander dakhil hojate hain cofee peete hain aur aik shan e be niazi se apni gari ki taraf barhty hain…..

security ahlkar chako choband khare salman taseer sahab ko aagy barhta dekhty hain in secutiry ahlkaro main governor sahab ka aik muhafiz “mumtaz hussain qadri” baqi tamam ahlkaro se zyada chako choband hota hy,woh sarkari bandooq salman taseer ki janib karta hy aur salman taseer zameen per gir jate hain un k jism main un hi ka muhafiz 24 golia daghta hy,

governor salman taseer ko hospital le jaya jata hy jaha woh moat se bazi har jate hain aur kainat ki sab se bari haqeqat “death” se ja milty hain..

ab na woh governor rehty hain, na salman, aur na taseer,murde ka namm nahi hota,martaba bhi nahi hota,woh sirf mayyat hota hy,

aik lamhy k liye sochye sirf 5 ghanty pahly salman taseer sahab ne peshan goyi ki thi k ye goverment 2013 taq rahy gi jab un kay zahan k hazarwe hisse main bhi ye khail nahi tha k kya main aaj ka soraj ghorob hota dekh paoo ga bhi ya nahi,bilkul waise hi jaise mujhe ye nahi pata k main ye column poora kar paoo ga bhi ya nahi,ye jo sans main ne bahar nikala hy k ye wapis aaye ga bhi ya nahi,

ye aik alarming call hy hum sab k liye,hukmarno k liye jo abhi sadar hain asif hain zardari hain,ya phir wazeere azam hain makhdoom hain geelani hain,

qudrat ne aik makhsoos waqt taq muhalt muqarrar kar rakkhi hy,us k bad sab ne mayyat hojana hy,mayyat hojane se pahly hamien apna muhasba karna hoga,k jo kam hum karne jarhy hain kya hum waqai us k ahal hain,

wasif ali wasif sahab ne aik dafa farmaya tha “agr ahliat na ho tu martabe se bari saza koi nahi”

wasif sahab  ki is bat ko main ne bohat pahly parha tha,jab se main ne salaman taseer sahab k qatal ki khabar suni is ne mujhe charo taraf se gher lya ..

salman taseer sahab ne apni ahleat se barh martaba paya,kio k woh aik out spoken aadmi thy tu jis din se woh governor bane un k apne alfazo ki kahin na kahin koi na koi qeemat chkani hi pari

tu meri dua he ALLAH hum sab ko zaban ki hifazzat aur apni ahleat k mutabiq martabe aata farmaye

zaban hi hy jo izzat aur martabe dilati hy,zaban hi hy jo jaan bhi le leti hy,zaban tumhien moat k qareeb le aayi salman taseer !!!

Zeeshan Junaid


 

Hello world!

Posted: January 5, 2011 in Uncategorized

Welcome to WordPress.com. This is your first post. Edit or delete it and start blogging!